Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Арнайы жобалар
Ауылым алтын тұғырым

«Ауылым – алтын тұғырым» әдеби онлайн-конкурсы

 «АУЫЛ» партиясы мен «Қазконтент» АҚ «Әдебиет порталының» ұйымдастыруымен өтетін ауыл тақырыбына арналған қаламгерлер арасындағы «Ауылым – алтын тұғырым» атты әдеби онлайн конкурсының

 

ЕРЕЖЕСІ

 

Конкурс ұйымдастырушысы:  

Конкурс «АУЫЛ» партиясы мен «Қазконтент» АҚ «Әдебиет порталының» бірлесіп ұйымдастыруымен (бұдан әрі – Ұйымдастыру комитеті) өткізіледі. 

 

Ұйымдастыру комитеті:  

 

Конкурсты өткізу шарттарын, тәртібі және мерзімі туралы ақпараттарды «Әдебиет порталында» жариялайды;

 

 Қатысушылардан түсетін өтінімдер мен материалдарды электронды түрде қабылдайды;

 

Әділқазылар алқасының құрамын іріктейді және бекітеді;

 

 «АУЫЛ» партиясы конкурс жеңімпаздары мен қатысушыларын марапаттау салтанатын ұйымдастырады.  

 

Конкурстың мақсаты:  

 

Қаламгерлер  арасында ауылдың рухани өмірін, тыныс-тіршілігін, ауылда жүріп жатқан әлеуметтік-экономикалық процестерді суреттеу;

 

Ауыл құндылықтарын насихаттау;

 

Ақындар мен жазушыларды қолдау және шығармашылығын дамыту;  

 

Конкурстың шарттары:  

 

Конкурсқа қатысу үшін жасы 17 мен 45 жас аралығындағы қаламгерлер өз шығармаларын ұсына алады;

 

«АУЫЛ тақырыбына арналған үздік драматургия» аталымына шығарма ұсынатын қаламгерлердің жас мөлшеріне шектеу қойылмайды;

 

Үміткерлер конкурсқа ұсынылған шығармалары мен жеке мәліметтерін порталда көрсетілген «Шығарманы енгізу» батырмасы арқылы орналастыра алады;

 

Әр номинация бойынша комиссия мүшелері жеке-жеке бағалайды; Конкурсқа қатысу үшін шығармалар онлайн түрде «Әдебиет порталында» 2018  жылғы 20 қарашаға дейін жіберілуі тиіс;

 

2018 жылғы конкурсқа орыс тілінде жазылған шығармалар да қабылданады.

 

Конкурсқа қатысушыларды комиссия мүшелері жеке-жеке бағалайды;

 

Көркемдік деңгейі төмен шығармалар қабылданбайды;

 

 Шығармалар бұған дейін басқа конкурстарға ұсынылмаған болуы шарт;

 

Үміткер конкурсқа ұсынатын еңбегін порталда онлайн түрде жариялай алады, техникалық ақаулар болған жағдайда +7 707 744 13 43 нөміріне хабарласуға (WhatsApp-қа жауап жазылмайды) немесе adebiportal@gmail.com поштасына хат жолдауға болады;

 

Жүлде қорын «Ауыл» партиясы өз міндетіне алады. Конкурсқа қатысқан шығармалар кітап болып шығарылады.  

 

Номинациялар бойынша төмендегідей жүлде қоры тағайындалады:   «АЛТЫН ТҰҒЫР» әдеби жүлдесі:

 

Үш номинациядағы 1-орын жеңімпаздарының арасында таңдалып алынады;  

 

«АУЫЛ тақырыбына арналған үздік проза» (эссе, әңгіме, повесть):

 

1-орын 500 000 теңге;

 

2-орын 300 000 теңге;

 

3-орын 200 000 теңге;  

 

«АУЫЛ тақырыбына арналған үздік поэзия» (өлең, баллада, поэма):  

 

 1-орын 500 000 теңге;

 

2-орын 300 000 теңге;

 

3-орын 200 000 теңге;  

 

 

«АУЫЛ тақырыбына арналған үздік драматургия»:  

 

 1-орын 500 000 теңге;

 

2-орын 300 000 теңге;

 

3-орын 200 000 теңге;  

 

Арнайы жүлделер:  

 

 Қосымша 10 үздік қаламгерге  100 мың теңгеден арнайы жүлделер тағайындалады.  

 

 

Жеңімпаздарды марапаттау:  

 

Конкурс қорытындысы 2018 жылы 1 желтоқсанда шығарылады. Жеңімпаздарды марапаттау 2018 жылы 11 желтоқсанда өткізіледі.

 

Салтанатты шараның өткізілетін орны қосымша хабарланады.

 

Тел/факс: +7 (7172) 79 82 12 (ішкі 150).   

 

«Ауыл» партиясы өзге өңірлерден келетін әділқазылар алқасы мүшелерінің жол шығынын өз мойнына алады.


 

Қазконтент АҚ арнайы жүлдесі

 

Эссе жазып үйренейік жобасы бойынша 

ЕРЕЖЕ

 

Ауылым - алтын тұғырым конкурсы аясында Қазконтент АҚ 18-ге толмаған оқырмандары арасында Эссе жазып үйренейік атты қосымша жобасын ұсынып отыр. Оған 18 жасқа толмаған оқушылар мен студенттер қатыса алады. Жеңімпазға Қазконтент АҚ тағайындаған арнайы жүлде табысталады. 

 

Эссе – сөзінің шығу тегі француз тіліндегі «essai», ағылшын тілінен «essay», - талпыныс жазушылық сынама, очерк деген ұғымдарда жатыр. Осы тілдердің түп-төркіні латын тіліндегі «exagium» – ойлау деген сөзге де қатысы бар. Эссе жазу – ұсынылған тақырып бойынша өзіндік жазба жұмысын жасау деген сөз.

 

Эссені бұрынғы мектеп бағдарламасы бойынша жазылып келген шығарманың мәндес атауы деп те қарастыруға болады. Бірақ шығарма эссеге қарағанда көлемдірек. Эссенің де, шығарманың да негізгі мақсаты – өз ойын жазбаша түрде жеткізу және өз бетімен шығармашылық ойлау дағдыларын дамыту.

 

Эссе жазудағы қойылған мақсатқа қарай оның құрылымы, көлемі анықталады. Ең әуелі жазылатын тақырып таңдалып, атау қойылады. Мақсат пен міндеттер белгіленіп, жоспар жасалады. Осыдан кейін жазу басталады. Эссе жазу барасында оқушының немесе студенттің өз ойын дәл және сауатты жеткізе білуі, ақпаратты жүйелеуі, талдаудың негізгі категорияларын қолдануы, қажетті мысал келтіре алуы, тұжырымдар жасап, оны дәйектеп қорытындылауы, көркем әдеби стильді сақтай білуі маңызға ие.

 

Эссе жазу барысында мазмұны қойылған мәселе қысқа да нұсқа, нақты, дәлелді, дәйекті түрде баяндалады. Алынған тақырыпты ашу барысында әдеби нормаланған тілді, оралымды еркін және тұрақты сөз тіркестері, цитаталар орнымен, ішкі қисын сақтала отырып қолданылуы керек. Эссені жазу барысында жұмыстың кіріспесі 30, негізгі бөлімі 60, қорытындысы 10 пайызын иеленетіндей жоспарланады.

 

Кіріспеде тақырыптың таңдалу себебі, таңдалған тақырыптың маңыздылығы аз ғана сөйлеммен дәлелденеді. Тақырып бойынша қарастырылатын мәселелерге аңдатпа ретіндегі бірнеше сөйлем жазылуы мүмкін. Негізгі бөлімде таңдаған мәселе мен ол бойынша белгіленген мақсат пен міндеттерді жүзеге асырудың теориялық, практикалық негіздері қарастырылады. Бұл бөлімде мазмұндау, анализдеу, синтездеу, даралау, жалпылау, ойды жүйелеп тұжырымдау жұмысы жасалады.

 

Қорытындыда негізгі бөлімде қарастырылған мәселелер қорытындыланып, жинақталады. Эссенің басында қойылған мәселе қалай шешілді деген сұраққа жауап алынуы тиіс.

 

Эссені бағалау мына критерийлерге сүйенеді:

 

1. Автордың логикалық және жазу сауаттылығы (орфография, пунктуация, стилистика);

2. Жеке көзқарасы болуы;

3. Теориялық негіздеме болуы;

4. Практикалық икемділік-дағдылары болуы;

5. Терминдер мен цитаталарды орынды қолдануы;

6. Жинақтау, жалпылау, салыстыру, даралау, қортытындылау әдістерін қолдануы;

7. Сілтемелер жасай білуі.

 

Эссе жазып үйренейік жобасына қатысушалар шығармасымен бірге туған ай-жылын жазып жіберуі тиіс.

ары қарай оқу