Қазақтың алтын аңызы – Оспан батыр Сіләмұлы елі мен жері үшін жауымен өліспей-беріспей күрескен әйгілі батыр, ұлт азаттығы үшін арпалысқан Өр Алтай көкжалы. Қабанбай, Бөгенбай, Жәнібектер бастаған ерлік шежіреміздің соңғы баһадүрі.
Кітапқа батыр жайындағы зерттеулермен бірге Уақит Халелұлы, Нәби Оспанұлы, Нұрқожай Молдажанұлы секілді қанды көйлек сарбаздарының естеліктері топтастырылған. Болған оқиға, өткен тарих жайында сыр шерткен қалам иелерінің қарапайым деректері арқылы Оспан батырдың күрескерлік өр тұлғасы мен адал жүрегінің кірсіздігі бірден байқалады.
Бұл кітап ел тарихы мен жер тарихын білгісі келетін, ұлттық рухтың жалғастырушылары болған жастар үшін таптырмайтын оқулық іспетті. Әсіресе студенттердің, магистранттардың, ізденуші аспиранттардың пайдалануы үшін көптеген деректер ұсынады.
