Әр қаламгердің өзіндік дүниетанымы, көркемдік әдіс-тәсілі, эстетикалық тұғырнамасы, төл тақырыбы болуға тиіс десек, онда белгілі жазушы, Халықаралық «Алаш» әдеби сыйлығының лауреаты Қуаныш Жиенбай шығармашылығынан алдымен Арал тақырыбы ауызға ілігер еді. Жағалаулық жерлестерінің психологиялық хал-ахуалы, олардың өмірге деген құлшыныстары, табиғат пен адам ара сындағы сан алуан құбылыстар бұл кітапқа енген роман, повесть, әңгімелердің негізгі арқауына айналған.

Туындылардың тілі жатық. Қаламгер характер ашуда оқиғаны қиыннан қиыстырып арамтер болып жатпайды, өзіміз күнде көріп жүрген қарапайым тіршілік иірімдері арқылы-ақ толымды өмір шындығын дөңгелентіп көз алдыңызға әкеледі.