Филология ғылымдарының докторы, ҰҒА мүше-корреспонденті, Қазақстанның еңбек сіңірген қайраткері Уәлихан Қалижанов жиырмадан астам көркем, ғылыми-танымдық кітаптардың авторы. Ол Ш.Уәлиханов атындағы сыйлықтың лауреаты. Мемлекет және қоғам қайраткері.

Жамбыл Жабаев ХІХ ғасырдың екінші жартысында өмірге келіп, бір ғасыр өмір сүрген дала Гомері – жырау, жыршы, айтыскер, қайраткер. Ол қазақ ауыз әдебиетінің ірі өкілі. Жамбыл – айтыстың саяси-әлеуметтік мәнін көтерген дара ақын.

Бұл кітапқа «Ғылыми қазына» бағдарламасының «Ұлы дала тұлғалары» сериясы аясында ұлы Жамбылдың ғұмырнамалық және шығармаларының әдеби-көркемдік әлемі туралы зерттеу енгізіліп отыр.

Кітап жасөспірімдерден бастап қалың оқырман қауымға арналған. Оқиғалары қызық, тілі тартымды, ғылыми-көпшілікке арналған зерделі дүние.