Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы
Басты бет
Әдеби үдеріс
Шынарбек Жомартұлы: Тәңірдің тартуы

24.03.2016 136

Шынарбек Жомартұлы: Тәңірдің тартуы


(Қазақтың қос батырына)


кос батыр.png

Кезбе ойды қуалап, қаңғырып,

Қаламым болдырған бейуақта.

Паң дала масаңда мәңгүдік,

Кірпігі жабылған кей – қақпа.

Мазалап аралар ызыңы,

Миымнан бал тасып ұшады.

Жүректе сүліктей күз үні,

Қайғырып болады құсалы.

Қоғамның осы деп отаған,

Кей сәтім күлгіндеп көмілген.

О, Құдай, күн шықты жотадан,

Күлкісі жарасып келінмен.

Ұсақтық жанымды билемей,

Күн нұры жүректі шарпыды.

Қазаққа қол жұмсау мүлде өгей,

Тәңірдің татулық тартуы. 

Біздің Telegram-парақшамызға. жазылыңыздар!

Пікір қалдыру:
Captcha

Ең көп оқылғандар