Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы
Басты бет
Әдеби үдеріс
Тілеухан Қадыров: Жігіт бар жігіттің де сарасы бар

24.03.2016 229

Тілеухан Қадыров: Жігіт бар жігіттің де сарасы бар


(Ережесіз жекпе-жекте алашты тәнті еткен жігіттерге)


кос батыр.png

Жігіт бар жігіттің де сарасы бар,

Қайратты һам жүректі данасы бар.

Тек қана ұяласы жалап жазар,

Елге айтпас көкіректе жарасы бар.


Қайраты - ирадасы қайтпайтыны,

Жалған сөйлеп, арам сөз айтпайтыны.

Көрсетіп ынтасымен адал Еңбек,

Төгілген терін бұлдап айтпайтыны.


Жүректісі - мейірлі бауырмалы,

Керегінде күттірмей табылғаны.

Тастан қатты болғанмен дұшпанына,

Езіліп жақынына ауырғаны.


Даналығы - ақылы сарқылмайтын,

Парасаты көл-көсір тартылмайтын.

Салмақтап сабырменен намыс бермей,

Айласы дұшпанына алдырмайтын.


Жарасы - жазым болған жез киігі,

Талқыда талас туған ел биігі.

Толқыса тереңінен ой туатын,

Көкіректе шер болған жер күйігі.


Алаштың айбатты ұлы арыстарым,

Қайратты һам жүректі Арыстаным.

Ақылың алдырмайтын қорған болып,

Мәңгілік биік тұрсын намыстарың!



Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


(0)
Пікір қалдыру:
Captcha

Ең көп оқылғандар