Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Атырауда Фариза Оңғарсыноваға ескерткіш орнатылды

04.03.2016 326

Атырауда Фариза Оңғарсыноваға ескерткіш орнатылды


Бүгін Атырауда мемлекет және қоғам қайраткері, көрнекті ақын Фариза Оңғарсынованың ескерткіші ашылды.



Қазақ поэзиясының падишасы атанған ақын ескерткіші қоладан құйылған. Биіктігі – 8,5 метр, салмағы 2 тонна. Ескерткіштің салтанатты ашылу рәсіміне зиялы қауым, жергілікті мекеме басшылары, ақынның туыстары мен замандастары қатысты. Шара барысында Фаризаның өлеңдері оқылып, замандас-достары естелік әңгімелерін айтты.



Қазақ поэзиясында өршіл жырларымен мәңгі өшпестей із қалдырған ақын Фариза Оңғарсынованың туған-туыстары ескерткіштің облыс орталығынан бой көтергеніне ризашылығын білдірді.



«Ескерткіш өте сапалы жасалған. Анамның, халық ақынының нәзіктігімен қоса, қайсарлығы да осы туындының бойына қатар өріліпті. Ақынын қадір тұтып, басына көтерген облыс басшылығына алғысым шексіз», - деді ұлы Айбар Оңғарсынов.



Жазғытұры ескерткіштің айналасына гүлзарлар отырғызылып, ағаш егілмек. Сөйтіп, жастардың рухани демалатын орнына айналмақшы. 






bnews.kz


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


(0)
Пікір қалдыру:
Captcha

Ең көп оқылғандар