Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Тыныштықбек Әбдікәкімұлы: Tұрсынғазы Рахимовтың рухына

28.02.2016 255

Тыныштықбек Әбдікәкімұлы: Tұрсынғазы Рахимовтың рухына



10298876_648778051940057_7425440616238421099_n.jpg



Егер, ежелгі бабалар даналығына сүйенсек, "қ а й т ы с (өзі жаратылған бастапқы әлеміне қайыра оралу) болмақ Адамның тәні киіз үйдің сықырлауығынан шығып, Қара Жерге енеді, Жаны Шаңырақтан шығып, Көкке ұшады".
Әулие Шаһкерімнің "Жанымыз - Күннен келген Нұрдан..." постулаты бойынша: "қайтыс болған Адамның Жаны бірден Күнге тартылып кетеді".
Қалай десек те...


Құрып қойған секілді құсқа қамау,
Ажал бір күн әркімді ұстамақ-ау!...
Сен Ажалға бір амал таппадың ба,
кісілігінің жұпары күшті Ағам-ау?!..


Өмірбіткен - осы ма?.. Өмірбіткен?..
Жолығарсың бәлкім сенТәңір-Құтпен?!..
Қалай болса кеудемде солай соғып,
қапалы жүрек мендегі қан үркіткен!


Кім өзіңді ғайыпқа асықтырған?
От еді ғой - өмірге ғашық тұлғаң.
Шайтан-үндер көп екен - енді естілді -
сенің Аспан-Даусың басып тұрған!..


Рух сырын, өмірден бек тысқары,
таппақ емес ешқандай тапқыш ғалым.
Сен ән салсаң, көруші ем Жанымның да
Көңіл құсына жармасып Көкке ұшқанын!..


Солай ұшқан - қалың Ой-қарлығашым,
қанатымен де қайталап Ар дұғасын!
Қалай көңіл айтарын Әндеріңе
білмейді екен бірақ та сорлы басым!..


О Дүниенің сыры да ғажап қиын...
Бақұлдасып бағады Сөз - ақ құйын!..
Сені Жұмақ қабылдар, Тұрсынғазы!
Қазақ Әнін - қабылдар - Қазақ Күйін!
Қабылдамаса,
Жұмақ құны маған да - бес-ақ тиын!


Тыныштықбек


28.02.2016.



Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


(0)
Пікір қалдыру:
Captcha

Ең көп оқылғандар