Астанадағы «Көрме» залында 17 маусым күні сағат 11.00-де ақын ҚР Мемлекеттік сыйлығының иегері Ұлықбек Есдәулеттің «Періште қыз» атты кітабының, 12.00-де испан ақыны, аудармашы Хусто Хорхе Падронның қазақ поэзиясының үш ғасырлық антологиясынан испан тіліне аудармасы және ақын, аудармашы Танагөз Толқынқызы аударған «Тозақ шеңберлері» кітабының таныстырылымы өтеді.
Қазақ және испан әдебиеті мен мәдениет арасындағы өзара әріптестік қарым-қатынасы дамуының айқын көрінісі болып саналатын бұл еңбектердің маңызы ерекше болуға тиіс.
Сондай-ақ 14.00-де ақын, аудармашы, Моңғолияның еңбек сіңірген мәдениет қайраткері, тарих ғылымының кандидаты Сұраған Рахметұлының «Оспан-Чойбалсан» атты ғылыми монографиялық еңбегінің таныстырылымы болады.
16.00 де жазба және айтыскер ақын Дәулеткерей Кәпұлының «Терісбұрау» атты өлең кітабы да таныстырылатын болады.
Келіңіздер, көріңіздер, тыңдаыздар, руханият қайнарынан сусындауға асығыңыздар!
adebiportal.kz
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
