Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы
Басты бет
Әдеби үдеріс
Душанбеде қазақ ғалымы Қ.Сәтбаевқа ескерткіш тақта қойылды

13.04.2018 151

Душанбеде қазақ ғалымы Қ.Сәтбаевқа ескерткіш тақта қойылды

Мамыр айының 13 жұлдызында Тәжікстан Республикасы Ғылым Академиясының геология Институтында қазақтың көрнекті ғалымы, ағартушы, минерология ғылымдарының докторы, профессор Қ.Сәтбаевқа арналған ескерткіш тақтаның ашылу рәсімі өтті. Танымал ғалымның Тәжікстан Ғылым академиясының ұйымдастырылуына, Орта Азияның геологиялық ғылымының дамуына өз үлесін қосқанын атап айтқан жөн.

Салтанатты жиында сөз алған Қазақстанның Тәжікстандағы Елшісі Нұрлан Сейтімов аталған ескерткішті орнатуға қолдау көрсеткені үшін Тәжікстан басшылығына алғысын айтып, Қазақстан мен Тәжікстан елдерінің ғылым саласындағы байланысы одан әрі нығая түсетініне сенім білдірді.

Ғылым Академиясының Вице-президенті С.Х.Муминов Қ.Сәтбаевтың ғылым саласындағы қызметіне жоғары баға беріп, көрнекті ғалымның өмірін жан-жақты насихаттау керек екенін атап өтті.

Тағылымды шараға Тәжікстан Республикасы Ғылым Академиясының басшылығы, ғалымдар мен мәдениет қайраткерлері, «Қазақстан-Тәжікстан» достық қоғамы және қазақ диаспорасы қатысты.

adebiportal.kz


Біздің Telegram-парақшамызға жазылыңыздар!

Пікір қалдыру:
Captcha

Ең көп оқылғандар