Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
РУХАНИ ЖАҢҒЫРУ
Жүргенов академиясы саяси қуғын-сүргін құрбандарын...

01.06.2018 7065

Жүргенов академиясы саяси қуғын-сүргін құрбандарын еске алды

Жүргенов академиясы саяси қуғын-сүргін құрбандарын еске алды - adebiportal.kz

Өткен ғасырда орын алған зұлмат заманында қазақтың бас көтерер зиялы қауымының көпшілігі қуғын-сүргін құрбанына айналды. Қазақ халқының басынан өтпеген зұлмат кемде-кем. Өнер академиясында саяси қуғын-сүргін және ашаршылық құрбандарын еске алып, жазықсыз жапа шеккен қоғам қайраткері Т.Жүргеновтің ескерткіші алдында гүл шоғын қою (митинг) рәсімін өткізді.

Шараға қуғынға ұшыраған азаматтардың ұрпақтары, ардагерлер, еңбек ұжымдары мен қоғамдық және саяси бірлестіктердің өкілдері қатысып, қуғын-сүргін құрбандарын бір минут үнсіздікпен еске алды. Ескерткіш алдында Бірқатар зиялы қауым өкілдері, «Темірбек Қараұлы Жүргенов» қоғамдық қорының өкілдері, академия ұстаздар қауымы мен студенттері жазықсыз жапа шеккендердің рухына тағзым етті.

Елбасы өзінің «Болашаққа бағдар: рухани жаңғыру» атты мақаласында «Туған жер» бағдарламасын қолға алу туралы сөз қозғаған болатын. Онда «Әрбір өлкенің халқына суықта пана, ыстықта сая болған, есімдері ел есінде сақталған біртуар перзенттері бар. Осының бәрін жас ұрпақ біліп өсуге тиіс» деп, атап көрсетті. Елбасының бұл сөзі бір ғана жылдың еншісіндегі мәселе емес. Бұл үнемі атқарыла беретін ізгі борышымыз. Осы шара аясында мәдениет пен әдебиет саласының өркендеуіне өлшеусіз үлес қосқан көрнекті мемлекет және қоғам қайраткері Темірбек Қараұлы Жүргеновтың туғанына 120 жыл толуына байланысты ақындар арасында республика көлемінде жазба ақындар мүшәйрасын және прозаиктер арасында әдеби байқау Мемлекеттік тілдің қолданылу аясын кеңейту, тіл мәдениетін көтеру, көркем әдебиетті насихаттау мақсатында өткізілді.

Темірбек Жүргеновтің саяси көзқарастарын, оқу-ағарту және мәдениет саласындағы жұмыстарын, әдеби, публицистикалық мұрасын әдеби туынды мен өлең арқылы ұрпаққа насихаттау болды. Киелі поэзия және проза әлемінде өзіндік үн, өзіндік сыр, өзіндік бояу, ажары бар, сезім мен сырға толы өлеңдерімен оқырман қауымын елең еткізіп, жырмен тербеп жүрген һәм есімі республикаға танымал дарынды ақын-жазушыларымыз Темірбек Жүргеновтің жазбаларында кездесетін рухани ұлттық мұрамыз бен елдік-ерлік құндылықтарын бір сәт ұлықтады. Оның репрессия құрбаны болғанын өлеңге қосу арқылы, қазақ халқының басына нәубет боп төнген жылдарды ұрпақ санасына жаңғыртты.

«Темірбек Қараұлы Жүргенов» қоғамдық қоры, Темірбек Жүргенов атындағы Қазақ ұлттық өнер академиясымен бірлесе отырып ұйымдастырылған республикалық прозаиктер әдеби байқауының Бас жүлдесін Айгүл Кемелбаеваның «Темірше» әңгімесі жеңіске жетті.

adebiportal.kz


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар