25 мамыр 2018
Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы
Басты бет
Әдеби үдеріс
Мұқағали Мақатаев: "Қайран жеңгем"

09.05.2015 102

Мұқағали Мақатаев: "Қайран жеңгем"



_BaLEDy2kmY.jpg




Қайран жеңгем



Су сұраса сүт берген, айран берген,

Қартайып қалыпсың-ау, қайран жеңгем!

Қарғаның валетіндей едірейіп,

Қасыңа мына біреу қайдан келген?

 

Апырай, суық еді сұрқы неден?!

Адамға қарайды ғой сыртыменен.

Жол көрсеткіш сақшының таяғындай,

Қимылынды бағып тұр мұртыменен.

 

Женеше-ау, есіңде ме біздін ағай?

Сыйласып отырар ек біз құдадай.

Қанды балақ соғысты қарғыс атсын,

Қайран жеңгем, шырқынды бұзды қалай...

 

Күлкің қайда күмістей сыңғырлаған?

Жүзің неге ымырттай түнжыраған?

Бұғалыққа тұрмайтын асау едің,

Сені әкеліп теліген кім мынаған?

 

Өзің болсаң, тым ағат ойланғансың,

Бақыт емес, басыңа қайғы алғансың,

Жан едің ғой жанының талғамы бар,

Қара мұртқа қалайша байланғансың?!

 

Ел-жұртың қараушы еді мақтан етіп.

Киіп ап аяғыңа салтама етік,

Талайлардан кетуші ең аттап етіп,

Талайларды жүруші ең таптап етіп...

 

Қартайып қалыпсың-ау, қайран жеңгем!

Қайғыға мойымаушы ең.

Қайдан келген?!

Сағынып жүрсің бе әлде, қадірлім-ай,

Баяғы жастығыңды майданда өлген?...


Мұқағали Мақатаев


Біздің Telegram-парақшамызға жазылыңыздар!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс.

Мақала авторының көзқарасы редакцияның көзқарасын білдірмейді.

Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)


Пікір қалдыру:
Captcha

Ең көп оқылғандар