Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Оралхан Бөкей оқулары өз мәресіне жетті

28.09.2016 274

Оралхан Бөкей оқулары өз мәресіне жетті


Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитетінің тапсырысымен «Ш.Шаяхметов атындағы тілдерді дамытудың республикалық үйлестіру-әдістемелік орталығы» РМКҚ «Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасы» аясында Оралхан Бөкей атындағы көркемсөз оқу шеберлерінің XVIII дәстүрлі республикалық байқауын өткізді.


IMG-20160928-WA0002_resized.jpg


Байқаудың мақсаты – жұртшылықтың рухани сауаттылығын көтеру, көркемсөз оқу мәдениетін жандандыру, ел ішінен талапты, талантты жастарды іздеп табу. Қазақ әдебиетінің құнды мұраларын ел арасына насихаттауды көздейтін дәстүрлі байқау арқылы көркем шығарманың оқырмандар жүрегінен жол табуына, сөз өнеріне деген жастардың қызығушылығын арттыруына ықпал ету.


Байқауға облыстық және қалалық іріктеу кезеңдерінің жеңімпаздары қатысты. Байқаудың екі шарты (прозалық шығармалардан үзінді оқу және поэтикалық туындыны мәнерлеп оқу) бойынша сайысқа түскен қатысушылар көркем туындыны мәнерлеп жатқа оқудан өз шеберліктерін танытып, жүлделі орындарға қол жеткізді.


Алматы облысынан келген қатысушымыз Қадыржан Серікбекұлы өзінің сөз өнерін биік бағалайтынын байқау барысында танытып, көркемсөз оқудың шебері атанып, бас жүлдені (180 000 теңге) қанжығасына байлады.


Қостанайлық Камел Айдана Қайдарқызы жүлделі 1-орынды (150 000 теңге), Қарағандылық Нұртай Айсұлу Еламанқызы жүлделі 2-орынды (120 000 теңге), Солтүстік Қазақстан облысынан келген Хехнай Ақмарал Көкенайқызы жүлделі 3-орынды (100 000 теңге) иеленді.


Белсенді қатысқандығы үшін алғысхат және ынталандыру сыйлығымен (50 000 теңге) 4 қатысушы марапатталды. Олар: Құлшаров Елдос (Атырау облысы), Мақсұтбек Абылай (Шығыс Қазақстан облысы), Мыңбай бақыт (Оңтүстік Қазақстан облысы), Қапанова Айнұр (Павлодар облысы).


Ал қалған 7 үміткерге байқауға қатысқаны үшін 20000 теңге көлеміндегі ынталандыру сыйлығы бұйырды. 



Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


(0)
Пікір қалдыру:
Captcha

Ең көп оқылғандар