Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы
Басты бет
Әдеби үдеріс
Қостанай қаласында семинар-тренинг өтті

28.06.2016 415

Қостанай қаласында семинар-тренинг өтті


Еліміздің тәуелсіздік алғанына 25 жыл толуына орай Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитеті Қостанай қаласында «Тіл мерейі» республикалық шарасын өткізді.


IMG_9324.jpg


Шараның мақсаты мемлекеттік тілді тұрғындарға үйрететін оқытушылардың кәсіби біліктілігін жетілдіру, онлайн әдісімен озық тәжірибелерді алмасу және мемлекеттік тілді оқыту орталықтарының оқытушыларын ынталандыру болып табылады.


Шараның ашылуында сөз алған Тілдерді дамыту және қоғамдық-саяси жұмыс комитеті Тілдерді дамыту және мониторинг басқармасының басшысы Толқын Жолдыбайқызы сабақ өтетін әдіскерлерге сәттілік тілеп, құттықтау сөзін жалғады.


Шараға әдіскер-ғалымдар, тіл мамандары, тіл үйренушілер, Астана, Алматы қалалары және облыс орталықтарындағы мемлекеттік тілді оқыту орталықтарының оқытушы әдіскерлері қатысты.


IMG_9339.jpg


Шара барысында әдіскер-ғалымдар мемлекеттік тілді оқытудың тиімді технологиялары және әдіс-тәсілдерімен бөлісті. Қостанай облысы әкімдігі Тілдерді дамыту басқармасы Тілдерді оқытудың облыстық орталығының үздік оқытушылары панорамалық сабақтар мен онлайн режимінде шеберлік сабақтарын көрсетіп, тәжірибе алмасты.


IMG_9346.jpg


Елімізге танымал ғалым, фонетика саласын жан-жақты зерттеп, әдістеме, әсіресе, тіл үйретуде ерен еңбек танытып жүрген Әлімхан Жүнісбек семинар барысында баяндама жасап, грамматикасыз оқытудың тиімді әдістерін оқытушыларға тарту етті. Дыбыстан бастап, сөйлем құраудың жаңаша үлгілерін көрсеткен ғалым, тіл үйретуде нәтижелі көрсеткішке жету үшін осы тәсілдерді қолданудың тиімді екенін толықтай түсіндіріп өтті. Шеберлік сабақтарын көрсеткен әдіскерлерге сараптама жасаған Егізбаева Назыкен Жаненқызы Қазтест жүйесіне негізделген сабақтардың артықшылығы мен кемшілігін таратып айтып, дейгейлерлің ережелеріне шолу жасады. Модератор Ербол Тілешов Ш. Шаяхметов атындағы тілдерді дамытудың республикалық үйлестіру-әдістемелік орталығы қолға алып жатқан жаңа жобаның мазмұнымен таныстырып, алдағы уақыттағы әдістемеге қатысты болжамдарын жасады. Семинарға қатысқан барлық әдіскерлерге сертификат берілді.


IMG_9352.jpg


IMG_9437.jpg


IMG_9540.jpg


IMG_9581.jpg


IMG_9420.jpg

Біздің Telegram-парақшамызға. жазылыңыздар!

Пікір қалдыру:
Captcha

Ең көп оқылғандар