Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
«Бастаңғы» дәстүрі Астанада жаңғырды

19.04.2018 784

«Бастаңғы» дәстүрі Астанада жаңғырды

Салт-дəстүріміздің кейбірі ел арасында кең етек жайып жүрсе, енді бірі мүлде ұмыт қалып барады. Əсіресе, жастарымыз біле бермейтін əдет-ғұрыптар жетерлік. Ата-бабаларымыздан жəдігер болып қалған салт-дəстүрлер, əрдайым игі мақсаттар үшін қолданыста болған. Сол себепті оларды біле жүру, кей-кейде өмірде іске асыру да артық етпейтіні анық.

Осы орайда, 15 сəуірде Астана қаласындағы «Аружан» ойын-сауық орталығында Еуразия Ұлттық Университетіне қарасты «Алқа» əдеби ұйымы жастарды ұлттық құндылықтарға тарту мақсатында «Бастаңғы» дəстүрін қайта жаңғыртты.

Басқосудың шымылдығы қазақтың қара домбырасымен ашылып, тəтті күй төгіліп, келген көрермендер халық əндерімен құлақ құрышын қандырып қайтты. Сондай-ақ, қонақтар қазақтың тіл үйірер тəтті бауырсағынан дәм татты.

Кеш барысында Алаш қайраткері Қошқе Кемеңгердің шөбересі Қайырбек Кемеңгер сөз сөйлеп, жастарға өзінің жылы лебізін білдіріп, жарыққа шыққан төл туындысын ұсынды.

«Бастаңғы» ары қарай ұлттық ойынымыз – арқан тартумен жалғасын тапты.

Осылайша, бір жарым сағатқа созылған жиын көпшілікті ерекше әсерге бөлеп, қызықты сәттерімен есте қалды.

Жанары жалындаған, жігері арындаған жастарымыз барда бұл үрдісіміз жалғасын таба бермек.

Толғанай Насихатқызы,

Еуразия ұлттық университетінің студенті

«Алқа» ұйымының жетекшісі.


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


Теги: бастаңғы, Астана, жастар, алқа ұйымы
(0)
Пікір қалдыру:
Captcha

Ең көп оқылғандар