Желтоқсан құрбандарына

Кешегі рухы бөлек ағаларым, 
Отанын сақтап қалған апаларым. 
Жыр қылмай ерлігіңді қалай ғана, 
Төсегімде тыныш -ау жата аламын. 

Желтоқсан ызғарымен үздігіп тұр, 
Жанымды мұздатып-ай үскірік жыр. 
Бекерге жан бердің бе аға-апалар, 
Колбиннің күші әлі ысқырып тұр. 

Жотада қалып барат ерліктерің, 
Ел үшін алып берген теңдіктерің. 
Тоздырып бүгінгі елді  сатып жатыр, 
Шенеуніктер майдалап шеңдіктерін. 

Бекер-бекер төгілді қандарыңыз, 
Қиылып мұз үстінде жандарыңыз. 
Аяққа тапталды ғой аға-апалар, 
Тәуелсіздік аңсаған арманыңыз. 

Ел мынау бұйырмай тұр қазағына, 
Өзгенің айналып-ай мазағына. 
Батыстың тайдырам деп билігін ау, 
Шыдап ең колбинизм азабына. 

Бүгінде жүдеу күйде еңселі ел, 
Сипатынан айрылды өрге жүрер. 
86. Қанды жыл құрбандары, 
Ерлігіңді жер қылды елдегілер. 

                            Жалғас ӘЛІМҒАЗЫҰЛЫ.