Жалған өмір

Жалған дүниенің сағымына оранып,

Өткен өмірдің елесімен шырмалып,

Тіршілік кешеді фәниде адамдар.

Дүние жиюға тырмысып, тырбанып

 

Зымыран уақыт асықтырды бәрін,

Ұға алмай пенде өмірдің шын мәнін.

Дүние шығыршық дөңгелек айналып,

Пенде жүр жұтып тірліктің у зәрін

 

Жалғанның мәнін ұға алмады пенде,

Дүниеқоңыздар көнбеді еш емге,

Көкірек көзі ашылмай қалды ма?

Данагөй сөздері ағып кетті селге.