Үйлесім

жүрегім жүрегіңмен үндеседі,
үнсіз ғана сүйеді, тілдеседі...
сөздерің - сағым тұнған самаладай,
көздерің - қоюланған түн кешегі.
ғажап қой.. жүзің, қолың, қастарың да,
шаттықтан кірпігіңнен жас тамуда.
алдыңнан Әлем болып қарсы аламын,
таң келіп, терезеңді ашқаныңда.
мен сені сүйем солай, ұялшағым,
бұл ғұмыр – өң менен түс. қиял. сағым.
өзгелер түсінбейтін сағынышпен,
өзіңді жиі аңсадым.
неге?..