Тағдыр сынығы

Сынағына шыдам керек тәңірдің

Күліп тұрып, бір мезетте мұндымын.

Саз балшықтай илеп кайта түзейсің

О тәңірім!

Сына, сынай түс мен тірімін...

Өзгелерден айырмам жоқ пендемін,

Ғажабы сол, менде өмірге келгенмін.

Жаратушы - сен шеберсің, ұлысың

О тәңірім!

Бақыт осы жарық күнді көргенім.

Жан мен тәнді біріктірген тәңірім,

Маңдайымда жазулы ма тағдырым?

Тәнім шыдап тұрса дағы  білсеңіз

Жаным жылап жатқан кезде ауырдым.

Жан-дүнием -құрақ –құрақ  құрылым,

Сенім, үміт, ұғындырдың ұғымын

Жалаң аяқ басып жүрмін дәл қәзір

Шытынаған тағдырымның сынығын.