Өзгеріп жатыр дүние
Өзгерме бірақ сен досым.
Өмірдің ерке толқыны
Өзгерте берсін пендесін.

Керек деп жиған дүние
Жақсысы саған бұйырсын
Өзгере берер күніге
Осы ғой өмір қиын сын.

Қонақ қой адам сенімге
Қателік қылма жаңылып.
Сақталар өшпей көңілде
Достықта бақыт барын ұқ.

Өзгерсін мейлі гүлденсін
Жасарсын өмір жаңарып.
Қаншама сезім түрленсін
Достыққа орын бары анық.

Өзгерер нәрсе өзгерсін
Өзгерер сөйтіп өмір де.
Түсірме бірақ көлеңке
Достыққа деген сенімге.
                       

9.11.2017