Ескен желің  емірентер,
Табиғаттың тебірентер- Торғайым.

Сыр сақтаған аңызағың,
Тарихпенен тоғысатын-Торғайым.

Ел аузыңда өршілдігің,
Аңызсың-ау беу шіркінім-Торғайым.

Жоғалтсаңда берекеңді,
Жинамадың керегеңді-Торғайым.

Ұлтсыздықпен тірескенсің,
Азаттық деп күрескенсің –Торғайым.

Сыбдырлап-ай теректерің,
Жырлап жатыр ел өткенін- Торғайым.

Тауларыңдай тұғырлысың,
Өткеніңмен ғұмырлысың-Торғайым.

Иманов боп жұртым деген,
Әлихан боп ұлтым деген-Торғайым.

Ахаң-Жахаң ұранымен,
Жарық берген шырағым ең-Торғайым.

Кеудемдегі  жыр жалынның,
Музасы сен жырларымның – Торғайым.

                          Жалғас ӘЛІМҒАЗЫҰЛЫ.