~~Еліміздің Президенті Н.Назарбаевтың «Ұлы даланың жеті қыры»  мақаласы оқырман арасында қызу талқыланып жатыр. Елбасының бұдан бұрынғы «Тарих толқынында», «Болашаққа бағдар–рухани жаңғыру» сияқты еңбектері де өзекті мәселелерді қозғап, ел көлемінде ірі ғылыми жобалардың іске асуына мүмкіндік жасағаны белгілі.
Қазір қоғамдық сана күн санап өсіп отыр. Айналадағы дүние бұрын болмаған өзгеріске түсуде. Қазіргі уақытта еліміздің алдында тұрған  түрлі рухани міндеттерді жүзеге асыруда мақалада айтылған ойлар түбегейлі қозғау салары сөзсіз. Кешеден бері айтылып жатқан пікірлерге қарап президенттің пікірлеріндегі өзекті ойлар келешекте іс жүзіне асатын рухани, ғылыми, шығармашылық жобаларға негіз болатынына сенуге болады.