Мұражайдағы сұлулық ұшқыны
Көрнекті ақын, мемлекет және қоғам қайраткері Сәкен Сейфуллин жайлы бұл бейнежазбада оның бұлтарысы көп өмір жолы, балалық шағы мен ағартушылық қызметі, ұлт үшін жасаған ерлікке пара-пар бастамалары айтылады. Алғашқы ұстаздық жолы, ағартушы-ақын жайлы шәкірттерінің естеліктері мен орыс тілін тегін үйреткен сабақтары турасында да баян етіледі. Сәкен Сейфуллин небәрі 28 жасында Халық Комиссарлар кеңесінің Төрағасы ретінде, «қырғыз-қайсақ» атанған елге «Қазақ» атауын қалай қайтарды? Сондай-ақ, қазақ әуе флотының негізін қалап, Мәскеуден ұшақ алдыру арқылы Орынбор-Семей бағытында тұңғыш әуе рейсін ұйымдастыруы жайында сөз қозғалады. Сәкеннің сырбаздығы мен азаматтық бейнесі, жары Гүлбаһрамның ерекше естеліктері де ескеріледі.
Most read
