Құдіретті Қалам Иесі
Бұл – ұлтының тарихын миллиондаған оқырманға танытқан қазақ тарихи прозасының хас шебері Дүкенбай Досжан туралы рухани серігі, жан жары, жазушы Сәуле Мағазбекқызы Досжанованың шығармасы.
Дүкенбай ДОСЖАН ҚР Мемлекеттік сыйлықтың, Халықаралық М.Шолохов атындағы сыйлықтың және М.Әуезов атындағы ұлттық сыйлықтың иегері. «Құрмет» және «Парасат» ордендерімен марапатталған.
Жазушының есімі АҚШ-тың «Әдебиет және өнер адамдары» энциклопедиясына, Ұлттық және Абай энциклопедияларына енген. Оның кітаптары әлемнің 20-дан астам тіліне аударылып, 7,7 млн. таралыммен басылған.
Ол – Қазақстандағы ең оқырманы көп жазушы атанған қаламгер.
