Жер мен аспан арасындағы
Журналист Қайнар Олжайдың кезекті кітабы экологиялық очерктерден тұрады және осы очерктер тұтаса келе бір желіні құрайды. Кітап табиғатқа, ондағы аң-құстар мен жануарларға, өсімдіктер мен тау-тасқа аяушылықпен қарауға үндейді. Автор әлемдік құбылыстарды бағалауда арғы-бергі қазақ жыраулары мен ақындарына, жазушылары мен ойшылдарына жүгінеді. Сол арқылы ғаламдық шытырмандардың біздің даламызға ортақ екенін аңғартады. Қаншама ғылыми деректер мен зерттеулер, көне әфсаналар мен аңыздар қамтылған, оған автордың жер бетінің әр пұшпағынан алған әсерлері қосылған бұл кітапты қалың көпшілік құмарта оқитыны хақ.
