«Қазақстан тарихы Шығыс миниатюраларында» кітабы – Шығыстың жазба тарихи деректемелері мен өнер ескерткіштерін талай жылдар бойы зерттеудің нәтижесі. Авторлар Қазақстан тарихын негізінен орта ғасырлардағы қолжазба кітаптарда иллюстрациялар болған миниатюралық кескіндеменің деректеріне сүйеніп көрнекі түрде көрсетуге әрекеттенді.Олар «Шығыс миниатюрасы» деген ұғымды едәуір ұлғайтып, бұл атаумен кітап кескіндемесін ғана емес, сонымен бірге Қазақстанның көрінімдік тарихының шағын, миниатюралық айғақтары бола алатын өзге де өнер түрлерінің туындыларын қамтыды.

Кітапта берілген барлық материалдарды авторлар дүниежүзінің әртүрлі қолжазбалар коллекцияларынан, музейлері мен кітапханаларынан тірнектеп жинаған.