Баянғали Әлімжанов шығармалары 20-том
Бүкіл адамзаттық бағалы мәдени мұра, бауырлас қырғыз халқының «Манас» эпосын қазақшалаған Баянғали Әлімжанов қырғыз жырының ырғақ, бояуын дәл жеткізіп, негізгі оқиға желісін, қуатты рухын, көркемдік ерекшелігін сақтай отырып, арасында қара сөзбен баяндап, төрт есе ықшамдап, бір деммен оқылатын тартымды дүние жасаған. «Манас», «Семетей», «Сейтек» деп аталатын аталы-балалы батырлар туралы ұланғайыр жыр бір кітапта, бір мұқабаның ішінде тұңғыш рет 2021 жылы жарық көріп, қазақ-қырғызға кеңінен танылды. «Манас» жырының 1-бөлігі ақын Шығармалар жинағының 17-томында жарияланған. «Семетей» мен «Сейтек» 20-томға топтастырылды.
