Тағылым
«Ұлтқа қызмет ету – білімнен емес, мінезден» дейді Алаш арысы Әлихан Бөкейхан. Туабітті мінезбен сіңген тәлімгерлік, азаматтық, адалдық ісімен халқы үшін қалтқысыз қызмет еткен ерлердің еңбегі әрдайым ел аузында. Қолыңыздағы сондай естелік – көрнекті мемлекет және қоғам қайраткері Икрам Адырбекұлының адами қасиеті мен атқарған игі ісі жайлы Сыр елі жақсылары мен жайсаңдарының сыры, ақжарма ниеті мен шынайы тілегі.
