Алмаз Мырзахмет - 1987 жылы  4 қазанда Қарағанды облысы, Қарқаралы ауданы, Қарынши ауылында дүниеге келген. Академик Е.А.Бөкетов атындағы Қарағанды мемлекеттік университетінің түлегі, ғылым магистрі. 2011 жылдан бері «Қасым» республикалық әдеби-қоғамдық журналының жауапты хатшысы. XIV «Шабыт» халықаралық шығармашыл жастар фестивалінің «үздік әдеби шығарма» (проза) номинациясы бойынша І орын иегері. Дәстүрлі Ғабиден Мұстафин атындағы жас қаламгерлер байқауының Бас жүлдегері. «Аңсар – 2015» әдеби байқауының «Жылдың үздік жас жазушысы» атанған. 2013 жылы мемлекеттік тапсырыспен «Жалын» баспасынан «Ханшайым» әңгімелер жинағы, 2016 жылы «Гласир» баспасынан «Қала мозаикалары» кітабы жарық көрген.

Оқыған: Ғылымхал Манай