Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы
Басты бет
Әдеби үдеріс
Алматыда ақын Дәулеткерей Кәпұлының кеші өтеді

29.02.2016 243

Алматыда ақын Дәулеткерей Кәпұлының кеші өтеді



дәулеткерей.jpg

Наурыз айының бесі күні Жамбыл атындағы мемлекеттік жасөспірімдер кітапханасында «Дарын» мемлекеттік жастар сыйлығының иегері, халықаралық «Шабыт» шығармашыл жастар фестивалінің поэзия номинациясы бойынша бас жүлдегері, айтыс өнерінің көрнекті өкілдерінің бірі, халықаралық және республикалық жыр додаларының бірнеше дүркін жеңімпазы Дәулеткерей Кәпұлының «Жалғыз түп аршаны аңсадым» атты шығармашылық кеші өтеді. Аталмыш шара кітапхана тарапынан бастау алған «Атырау - Алтай арасы» атты жобаның аясында жүзеге асырылмақ.


Құлағымда құбылады қыдыр үн,

Қыдыр үнге қосылғанда күбірім.

Сұлбамды Айдың сүт сәулесі танытқан,

Елес қуған ессіздердің бірімін! – деп жырлады Дәулеткерей... Шындығында ол елес қуған жоқ, жыр жолына түсті, оның соңынан Өлең қуды. Өлең – кие. Кез-келгеннің басына қонбайтын бақ. Дәулеткерей Кәпұлы сол киенің қасиетін танып, жыр атанға жүгін артты. Қазақтың нар ұлының киелі өлеңдерінен сусындайтын қоңыр кештің берері көп.


Шараның мақсаты ұлттық құндылықтарды қайта ояту және жастарды ақсүйек өнердің ауылымен таныстыру болып табылады. Жыр кешіне ақынның шашбауын көтеріп бірқатар қазақ әдебиеті мен мәдениетінің тұлғалары ат басын бұрмақ. Олар: Жүрсін Ерман, Ұлықбек Есдәулет, Жанарбек Әшімжан, Ринат Зайытов, Бақыт Беделхан, Еркін Шүкіман, Бақтияр Ақымжановтар. Сонымен қатар айтулы поэзия мерекесіне дүйім жұртты ерекше таланттарымен таңқалдырып жүрген жас дарындар Қуаныш Кенешбай мен Нұрсұлтан Қалмахамбетұлы да келеді.


Тамырын тереңге жайып, табиғат - анамен етене өрілген ақынның шығармашылық кешінен қалыс қалмаңыздар.


Кеш Алматы қаласы, Фурманов көшесі, 43 мекенжайында, күндізгі сағат 12:00-де басталады.


Байланыс телефондары: 2 71 14 24; 702 750 64 50 (Ғазиза Құдайберген)


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


(0)
Пікір қалдыру:
Captcha

Ең көп оқылғандар