Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҢАЛЫҚТАР
Амина Адайханқызы: Мақтан қазақ ...

11.03.2016 2558

Амина Адайханқызы: Мақтан қазақ

Амина Адайханқызы: Мақтан қазақ  - adebiportal.kz




кос батыр.pngКөтер, қане! Көтер, қазақ, басыңды!
Көгіңде күн шуақ төгіп ашылды.
Қос дүлдүлің сын сағатта тайсалмай,
Мерейіңді берекемен асырды. 


Ат басындай алтын берсе не теңің,
Жемтігіне көз салмастан бөтеннің.
Дәлелдеді қан майданда қасқырлар
Қаны бірдің - жаны бірге екенін. 


Үйіріңнен адасып қап алыс тым,
Арландар-ай қапияда табыстың.
Қос қыраны қалықтады қазақтың,
Қос қанаты сияқтанып намыстың. 


Үлгісіндей ұлтын сүйген ұлылық,
Бір апанның бөрілері бір ұлып.
Келгендей-ақ қуанайық, әз халқым,
Өшкен жанып, өлгеніміз тіріліп. 


Берекеден бақ тапқандай бар тарап,
Қалың елің алғыс айтып алқамақ.
Аман жүрсін арыстары қазақтың,
Ата-баба аманатын арқалап. 


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар