Боб Диланнан бір өлең

Əдебиет аталымы бойынша Нобель сыйлығының биылғы иегері Боб Диланнан бір өлең:

Жүрер екем қанша жол тағдыр кешіп əрқилы,

Бір тоқтамға келгенше,

Қанатымның астында қанша теңіз толқиды,

Қара жерді көргенше,

Қанша жарылыстардың оты бізді шарпиды,

Соңғы сарбаз өлгенше?!

Жарығым-ау, бір сөзді қайдан ғана табамын –

Жел əкеткен жауабын.

Қанша ғасыр тұрады мына таулар – тірі аңыз,

Толқын шайса – құла түз,

Қанша ғасыр жылаймыз?

Еркіндікті сұраңыз!

Сұрар болсаң, солардың аяғына құлаңыз!

О, адамдар қашанғы көзімізді жұмамыз –

Көрінбестей кінəміз?!

Əлі қанша шұңқырға мойын созып қараймыз,

Ал аспанды көрер кім?

Есту үшін – бір басқа қанша құлақ жамаймыз,

Зарлы дауысын əлемнің?

Жер бетінен біз əлі қанша өлікті санаймыз,

Келгенінше келер күн?!

Тəржіма: Ерлан Жүніс