Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҢАЛЫҚТАР
Абзал Бөкен: Диогеннің дегені...

28.10.2016 3738

Абзал Бөкен: Диогеннің дегені

Абзал Бөкен: Диогеннің дегені - adebiportal.kz


40273_281656885_bk.jpg

Сұрамайтын сұғынып ештеңені,

Сұңғылаға не берді өскен елі?

Дүмді патша кегенде,

Диогенің

баспанаға айналған бөшкеде еді.


-Жалғау үшін кеп тұрмын үзігіңді,

Білдір, – деді билеуші, – үзіріңді.

Қыздырынып отырған күн көзіне

Кемеңгердің кермиық жүзі күлді;


Төресіне төндіріп тамыздығын,

Ақылманның айтқаны аңыз бүгін:

«Қалқаламай күн көзін былай тұршы,

Бұдан өзге жоқ, – деді, – арыз-мұңым».


Сарайынан сабылып ұлық кепті,

Ұлықпын, – деп жаппасын тұнық көкті.

«Балық» солай бөшкеде бұлқынған соң,

Беттей алмай Зұлқарнай жүріп кетті.


Алыс жақтан аңқыған Арқаға ана

Астарын ұқ аңыздың, қалқа-бала.

Сен Македон емессің,

мен Диоген,

Күннің көзін, ендеше, қалқалама.


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар