«Алтын тұғыр» жүлдесінің иесі анықталды

ҚР Тәуелсіздігінің 25 жылдығына орай «АУЫЛ» партиясы мен «Қазконтент» АҚ «Әдебиет порталының» ұйымдастыруымен өткен ауыл тақырыбына арналған жас ақын-жазушылар арасындағы «Ауылым – алтын тұғырым» атты әдеби онлайн конкурсының жеңімпаздары марапатталды.

Марапаттау рәсімі С.Сейфуллин атындағы Қазақ агротехникалық университеті ғимаратының концерт залында өтті.

Поэзия аталымы бойынша:

Ұларбек Дәлейұлы – 1-орын 500 мың теңге сыйақыны иеленді.

Дәурен Берікқажы – 2-орын 300 мың теңгені қанжығасына байласа,

Адал Қалиұлы – 3-орын 200 мың теңгемен марапатталды.

Үміткерлер саны көп болғандықтан ұйымдастырушылар тағайындалатын 9 жүлделі орынға қосымша 8 арнайы әдеби сыйлық қосуды ұйғарған.

Поэзия аталымы бойынша арнайы жүлдеге ие болғандар:

Ілияс Мұқайұлы – Тұманбай Молдағалиев атындағы сыйлыққа иелік етті.

Айжан Табаракқызына – Фариза Оңғарсынова атындағы сыйлық бұйырды.

Алтынқадыс Күнтуғанұлына – Есенқұл Жақыпбеков атындағы сыйлық табыс етілді.

Нәзерке Рамазанқызы – «Әдебиет порталының» ақын Әмірхан Балқыбек атындағы сыйлығымен марапатталды.

Проза аталымы бойынша:

Өміржан Әбдіхалықұлы – 1-орын 500 мың теңге сыйақыны қанжығасына байлады.

Мақсат Рамазанұлы – 2-орын 300 мың теңгені иелік етті.

Есболат Айдабосынұлы – 3-орын 200 мың теңгемен марапатталды.

Проза аталымы бойынша арнайы жүлде:

Асан Әлиев – Сайын Мұратбеков атындағы сыйлық,

Қанат Әбілқайыр – Тәкен Әлімқұлов атындағы сыйлық,

Мұрат Алмасбекұлы – Сәкен Жүнісов атындағы сыйлыққа қол жеткізді.

Драматургия аталымы бойынша:

Манарбек Қыдырбай – 1-орын 500 мың теңге,

Алмас Мырзахмет – 2-орын 300 мың теңге,

Әскерхан Ақтай – 3-орын  200 мың теңгемен марапатталды.

Драматургия аталымы бойынша арнайы жүлде:

Маржан Ершу – Өзбекәлі Жәнібеков атындағы сыйлыққа;

Мінәйхан Салтанат – Асқар Тоқпанов атындағы сыйлыққа,

Айсұлу Жолтайқызы – Қалтай Мұхамеджанов атындағы сыйлыққа иелік етті.

Конкурстың Гран-при «Алтын тұғыр» жүлдесі ақын Ұларбек Дәлейұлына табыс етілді. 

adebiportal.kz