Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Абай оқулары республикалық байқауы өз мәресіне жетті

21.09.2017 2939

Абай оқулары республикалық байқауы өз мәресіне жетті

Ақтөбе қаласында өткен республикалық "Абай атындағы көркемсөз оқу шеберлерінің" байқауында Гүлзат Қайыргелді бас жүлдені жеңіп алды.

Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитеті мен Ш.Шаяхметов атындағы тілдерді дамытудың республикалық үйлестіру-әдістемелік орталығы ұйымдастырған дәстүрлі байқауда ел аумағындағы 300-ден астам жас бақ сынады. Аудандық, қалалық, аймақтық іріктеуден іркілмей өткен 15 көркемсөз оқу шебері бүгін Ақтөбе қаласында ақтық сайыста өнер көрсетті. Байқау шартына сай алғашқы айналымда үміткерлер қазақтың белгілі жазушыларының көркемдігі жоғары прозалық шығармаларынан үзінді оқыса, екінші кезеңде поэзиялық шығармаларды көркемсөз оқу талаптарына сай орындап шықты.

Қатысушылардың өнері мен білім деңгейін ғалым, мемлекет және қоғам қайраткері Амангелді Айталы төрағалық еткен қазылар алқасы бағалады. Қазылар шешімімен Ақмола облысының намысын қорғаған Гүлзат Қайыргелді бас жүлдені иемденіп, 300 000 теңгенің сертификатын ұтып алды.

- Байқау өте жоғары дәрежеде өтті. Барлық қатысушылар өте талантты, дарынды. Расын айтсам, қазылар алқасының таңдауы маған түсетіндігіне де күмәнді болдым. Десе де, еңбегім бағаланып, жоғарғы нәтиже көрсеткендігі қуантады. Тілектестік білдірген барлық көрерменге алғысымды айтамын,- дейді Г.Қайыргелді.

Жүлделі І орынға Ділдә Хайран (Қостанай облысы) лайық танылса, ІІ орынды маңғыстаулық Әлібек Тағабердин еншіледі. Үздіктер үштігін Мейіржан Әлбеков (Шығыс Қазақстан) пен Оразбек Бахатхан (Павлодар) түйіндеді. Нұрсұлтан Отар, Әйгерім Байысбек, Жанар Нақоваларға ынталандыру сертификаты мен 50 000 теңге табысталды. Барлық байқау қатысушылары Ақтөбе облыстық тілдерді дамыту басқармасының "Алғысхатымен" марапатталды.

tilalemi.kz


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 13 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар