Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
«AlmatyBookExpo» Халықаралық кітап көрме-жәрмеңкесі өткізіледі

28.05.2014 539

«AlmatyBookExpo» Халықаралық кітап көрме-жәрмеңкесі өткізіледі

ALMATYBOOKEXPO1.jpg
2014 жылдың 29-30 мамыр аралығында Қазақстан Республикасы  Ұлттық мемлекеттік Кітап палатасы, Қазақстан баспагерлері, полиграфистері мен кітап таратушылар қауымдастығы әл-Фараби атындағы Қазақ Ұлттық университетімен бірлесе отырып «AlmatyBookExpo» Халықаралық кітап көрме-жәрмеңкесін өткізеді.

«AlmatyBookExpo» Халықаралық кітап көрме-жәрмеңкесі – ұлттық мәдениетті насихаттау, баспалар, полиграфиялық және кітап саудасы ұйымдары арасында мәдени және іскер байланыстарды орнату мен кеңейту мақсатындағы дәстүрлі шара. Көрмеге Қазақстанның және шетелдердің, Түркия, БАӘ, Қырғызстан, Қытай, Иран, Өзбекстан, Ресейдің кітап шығару, кітап тарату және полиграфия саласындағы ұйымдары кітап, мерзімді басылымдар, нота, географиялық карталар, ашық хаттар, басқа да полиграфиялық өнімдер, электронды басылымдар, кеңсе тауарлары, сувенирлер ұсынады. 
Көрменің негізгі бөлімдері: кітаптар, журналдар, газеттер, плакаттар, ашық хаттар; аудио, бейне, электронды кітаптар; кітап дүкендері; полиграфиялық құралдар; полиграфиялық қызметтер; кеңсе тауарлары; кітапханалар, мұрағаттар, әдеби алаңдар болып табылады.
Көрме аясында белгілі қазақстандық ақын-жазушылармен әдеби кездесулер, кітап ісінің өзекті мәселелеріне арналған семинарлар, дөңгелек үстелдер өтеді.

adebiportal.kz

Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 13 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар