Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Қоғам қайраткері Оразкүл Асанғазықызының мерейтойы өтті

22.02.2017 3869

Қоғам қайраткері Оразкүл Асанғазықызының мерейтойы өтті

2017 жылдың 22 ақпанында Қазақ ұлттық өнер университетінің «Шабыт» ғимаратында мемлекет және қоғам қайраткері Оразкүл Асанғазықызының 65 жылдық мерейтойына орай «Қазақтың қайсар қызы» атты әдеби-сазды кеші өтті.

def563826dee148cf781b177a9ac261c.jpg

Қоғам қайраткері Оразкүл Асанғазықызының ұлтымыздың тілі, ділі, жерінің тұтастығы жолында жасаған еңбегі зор. Оның әдеби-сазды кеші рухты оятып, жігерді тасытып қана қоймай әрбір қазақ баласын отансүйгіштікке шақырып, әрқайсысына тілдің қасиетін ұғындырды.

Қазақтың қайсар қызы Оразгүл Асанғазы әдеби-сазды кешінде "Домалақ ана" әні автордың өз орындауында орындалды. Оған арналған өлеңдер оқылды. Кештің көрігін суырып салма айтыскер ақындар одан әрі қыздыра түсті.

0824e4cd23d97fdf784a766aac4c56a3.jpg

Әдеби-сазды кешке ҚР Парламент Сенатының депутаты Бірғаным Әйтімова, ҚР Еңбек сіңірген қайраткері, әнші, композитор Бекболат Тілеухан, ҚР Парламент Мәжілісінің Халықаралық істер, қорғаныс және қауіпсіздік комитетінің төрағасы Мәулен Әшімбаев, қазақ руханиятының көрнекті өкілі, ғалым, мемлекет қайраткері Мырзатай Жолдасбеков, ҚР еңбек сіңірген қайраткері, жазушы Қойшығара Салғара және т.б. зиялы қауым өкілдері қатысты.

933d15fd1501d98673dbb4f709ece0f1.jpg

8346e01132019616b62529f4c1e3e1ea.jpg

Тіл майданында толассыз қызмет етіп, бар саналы ғұмырын еліміздің өркендеуіне арнаған қазақтың майталман қызының кешінде жас ақын Нәзира Байырбектің «Қайсарлық пен қайраткерлік» атты кітабының тұсаукесері ұйымдастырылды.

Қоғам қайраткері, ана тілінің жанашыры, Астананың өсіп-өркендеуіне үлкен үлес қосқан нар тұлға Оразкүл Асанғазықызы Қазақ хандығының қазығы қағылып, туы тігілген Шу өзенінің бойындағы Қозыбасы деген жерде дүниеге келген.

ba6f1b5136627848165f7230e847edfa.jpg

Оразкүл Асанғазы Астана қаласы Тілдерді дамыту басқармасының басшысы қызметін атқарған жылдары елордада бір мезгілде 300-ден астам көше атауын ауыстырған. Астанадағы көшелердің қазақи тамаша атаулармен аталуына Оразкүл Асанғазы ханымның қосқан үлесі орасан.


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 13 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар