Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Индира Кереева: Маңдайыңнан сипайын, жыламашы, жарығым...

09.06.2016 445

Индира Кереева: Маңдайыңнан сипайын, жыламашы, жарығым...


акесиз бала.jpg

Бір-ақ сәтте лайланып сала берді-ау тұнығың;
Бір-ақ күнде қатайып кетті сенің жұлының;
Көз алдымда бұлдырап өтіп барады өмірің...
Не деп сені жұбатам?!
Не айтайын, құлыным...


Асқар таудың бір сәтте шөгетінін кім білген...
Бір-ақ сәтте қайғы-мұң төнетінін кім білген...
Бір-ақ күннің ішінде сәби көңіл шатынап
Өлетінін кім білген...


Ашық күнде көгіңнен қайғы жауып, құлады ар,
Жыламашы демеймін...
Жыла, ботам, жылап ал...
Енді сенің маңдайың - өмір жазған бір дастан
Ауыр оның сұрағы әр...


Кеше ғана бала едің, қайғы-мұңнан басқа әні,
Тағдыр осы...
Бір күнде-ақ сені есейтіп тастады...
Сенің әкең - хас батыр!
Жоқтап шықты түнімен
Ақтөбенің аспаны...


Өр әкенің ұлысың!
Жігеріңді жанығын!
Жетеді оған намысың, ерік-жігер, танымың!
... не деп енді жұбатам, не деп енді алдайын?
Маңдайыңнан сипайын, жыламашы, жарығым...



Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


(0)
Пікір қалдыру:
Captcha

Көп оқылғандар