Америкалық музыкант Боб Дилан Швед академиясына Әдебиет бойынша Нобель сыйлығын алу үшін Стокгольмге бара алмайтынын айтты.
Швед академиясының хабарлауы бойынша, Дилан өзінің қолы бос емес екендігін мәлімдеп, сол күні басқа келіскен жерлеріне баратынын жеткізді. Алайда, Боб Дилан бұл марапатты асыға күтетінін жасырмады. Сондай-ақ, Швед академиясының белгіленген ережесі бойынша, Боб Дилан 10 желтоқсаннан бастап жарты жыл ішінде Нобельдік дәрісті оқуы қажет.
«Нобель сыйлығының марапаттау салтанатына келмеген лауреат өте сирек», - деп атап өтті Швед академисяының өкілдері.
Айта кетсек, осындай жағдай бірінші рет тіркеліп отырған жоқ, оның алдында Әдебиет бойынша Нобель сыйлығының лауреаттары Дорис Лессинг, Гарольд Пинтер және Эльфрида Элинек марапаттау салтанатына қатыспады.
Естеріңізге сала кетейік, белді рок әншісі Боб Дилан Нобель сыйлығын ұлы америкалық әншілік дәстүрдің аясындағы жаңа поэзиялық бейнені қалыптастырушы ретінде алып отыр.
Ақбота Күзекбай
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
