Астанада шетелде тұратын отандастардың қатысуымен халықаралық өнер фестивалінің аясында әр түрлі сайыстар өтеді

ҚР Мәдениет және спорт министрлігі Тілдерді дамыту және қоғамдық-саяси жұмыс комитетінің ұйымдастыруымен 2015 жылғы қазан айының 29-30 жұлдызында «Қазақ хандығының 550 жылдығына» арналған шетелде тұратын отандастардың қатысуымен халықаралық өнер фестивалінің аясында жыр мүшәйрасы, термешілер сайысы және сурет көрмесі өтеді.

Байқаудың мақсаты:

* Қазақ хандығының 550 жылдығын мерекелеудің мәні мен бүгінгі таңдағы тарихи маңызын ашу;

* Жастарды ұлттық құндылықтар рухына сәйкес қазақстандық патриотизмге, отансүйгіштікке тәрбиелеу;

* Ел мен жердің тарихына, ұлтымыздың жүріп өткен жолына құрметпен қарау сезімін қалыптастыру;

* Өскелең ұрпақтың бойына ұлттық рухты сіңіру, тәуелсіздік тағылымдарын терең сезіну, елдік мәселелерге сергек қарау қасиеттерін арттыру;

* Қазақ халқының мәдениеті мен салтын насихаттау;

* «Мәңгілік ел» ұлттық идеясын насихаттау;

* Шетелдегі дарынды қазақ жастарының бейнелеу өнері түрлерін меңгерудегі шығармашылық шеберлігін насихаттау.

Мүшәйра, терме және көрме сайыстарына қатысу шарттары:

* Қатысушылардың жас мөлшері 20-35 жас аралығында болуға тиіс;

* Мүшайра, терме және көрме сайыстарына қатысушы шығармашылық өкілдері шетелде тұратын отандастарымыздың арасынан болуға тиіс;

* Автордың мүшайраға және көрмеге жолдаған шығармасы бұрын еш жерде жарияланбаған болуы керек.

Мүшәйра талаптары:

Бірінші өлең – Қазақ хандығының тарихы, тарихи тұлғалар бейнесі, елдік мәселелер тақырыбында болуы керек (3-5 минут); – міндетті

Екінші өлең – Шетелдегі қандастар тағдыры мен көші-қон туралы(3-5 минут) – міндетті.

Үшінші өлең – еркін тақырыптағы өлең (3-5 минут) – қажеттілігіне орай

Терме сайысы талаптары:

1 шығарма – Елдікке шақыратын, бірлікке бастайтын елжандылық бағыттағы термелерден тақырыпқа сай бір шығарма орындау (3-5 минут);

2 шығарма – Еркін тақырыпта терме орындау (3-5 минут).

Көрме талаптары:

1 тақырып бойынша Кескіндемешығарма көлемі 100*150 см.-ден кем немесе аспауы тиіс (Материалдары: майлы бояу, гуашь, акварель, кенеп, картон, ақ қағаз).

2 тақырыпбойынша Графикалық шығарма көлемі 40*90 см. (Материалдары: офорт, линогравюра, литография, т.б.) көркемдік деңгейі талапқа сай, тақырыпқа мейлінше лайық болуы тиіс.

Әрбір автордың көркем шығармасы талапқа сай безендіріліп (багет), саны 5-7-ден аспауы керек.

Жеңімпаздарды марапаттау әр сайыс бойынша:

Бас жүлде – біреу -200 000 (екі жүз мың) теңге

І орын – екеу – 150 000 (жүз елу мың) теңгеден

ІІ орын – екеу- 120 000 (жүз жиырма мың) теңгеден

ІІІ орын – екеу – 80 000 (сексен мың) теңгеден

Ынталандыру сыйлығы – үшеу- 60 000 (алпыс мың) теңгеден

Өтініштер 2015 жылдың қазан айының 20 жұлдызына дейін қабылданады:

Төлқұжатының көшірмесі;

Шығармашылық өмірбаяны;

10х15 көлемдегі 1 түрлі-түсті фотосурет;

Екі кезеңде орындайтын шығармалардың тізімі.

Мекен жайы: Астана қаласы, Рысқұлбеков көш., 16/3 үй, 203 п. Ұялы телефон: +7 747-204-88-35 Эл.пошта: festivalkaz@mail.ru

adebiportal.kz