Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
«Бастаңғы» дәстүрі Астанада жаңғырды

19.04.2018 3370

«Бастаңғы» дәстүрі Астанада жаңғырды

Салт-дәстүріміздің кейбірі ел арасында кең етек жайып жүрсе, енді бірі мүлде ұмыт қалып барады. Әсіресе, жастарымыз біле бермейтін әдет-ғұрыптар жетерлік. Ата-бабаларымыздан жәдігер болып қалған салт-дәстүрлер, әрдайым игі мақсаттар үшін қолданыста болған. Сол себепті оларды біле жүру, кей-кейде өмірде іске асыру да артық етпейтіні анық.

Осы орайда, 15 сәуірде Астана қаласындағы «Аружан» ойын-сауық орталығында Еуразия Ұлттық Университетіне қарасты «Алқа» әдеби ұйымы жастарды ұлттық құндылықтарға тарту мақсатында «Бастаңғы» дәстүрін қайта жаңғыртты.

Басқосудың шымылдығы қазақтың қара домбырасымен ашылып, тәтті күй төгіліп, келген көрермендер халық әндерімен құлақ құрышын қандырып қайтты. Сондай-ақ, қонақтар қазақтың тіл үйірер тәтті бауырсағынан дәм татты.

Кеш барысында Алаш қайраткері Қошқе Кемеңгердің шөбересі Қайырбек Кемеңгер сөз сөйлеп, жастарға өзінің жылы лебізін білдіріп, жарыққа шыққан төл туындысын ұсынды.

«Бастаңғы» ары қарай ұлттық ойынымыз – арқан тартумен жалғасын тапты.

Осылайша, бір жарым сағатқа созылған жиын көпшілікті ерекше әсерге бөлеп, қызықты сәттерімен есте қалды.

Жанары жалындаған, жігері арындаған жастарымыз барда бұл үрдісіміз жалғасын таба бермек.

Толғанай Насихатқызы,

Еуразия ұлттық университетінің студенті

«Алқа» ұйымының жетекшісі.


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


Теги: бастаңғы, жастар, алқа ұйымы
(0)
Пікір қалдыру:
Captcha

Көп оқылғандар