Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Елордада «Жас қаламгер» мектебіне қабылдау басталды

11.08.2021 900

Елордада «Жас қаламгер» мектебіне қабылдау басталды 12+

10 тамыз қазақтың ұлы ақыны, хакім Абайдың туған күніне және Қазақстан Республикасы Тәуелсіздігінің 30 жылдығына орай Қазақстан Республикасы Мәдениет және спорт министрлігі Мәдениет комитетінің бастамасымен Нұр-Сұлтан қаласында Қазақстандағы балалар мен жасөспірімдер оқуын қолдау жылы аясында балалар мен жасөспірімдерді кітап оқуға, ғылым-білімге ынталандыру үшін «Жас қаламгер» оқу мектебіне өтініш қабылдау жарияланды.

Әлеуметтік жобаның мақсаты – балалар мен жасөспірімдер арасында оқу сауаттылығын арттыру, табысты тұлғаны, бәсекеге қабілеттілікті және қазіргі заманғы қоғамда өзара іс-қимыл жасай білуді қалыптастыру, өзін-өзі тану үшін жағдай жасау және балалар мен жасөспірімдердің танымдық-шығармашылық белсенділігін дамыту, заманауи білімін тереңдету, Абай мұрасы арқылы баланың ой-өрісін кеңейту.

«Жас қаламгер» оқыту мектебі «Драматургия мәдениеті», «Әдебиет әлемі – проза жанырында», «Тіл шеберлігі және поэзия», «Ғылым тап = Find science» (Абай шығармалары арқылы ағылшын тілін үйрету), «Өлеңге әркімнің-ақ бар таласы немесе ақын болудың құпия сырлары» бойынша 5 бағытта жұмыс жасайды.

Жобаны іске асыруға жазушы, драматург, Мемлекеттік сыйлықтың иегері Мұқанова Роза Қажығалымқызы, ақын, аудармашы, Мемлекеттік сыйлықтың иегері – Айт Несіпбек Тұрысбекұлы, айтыскер, ақын, филология ғылымының кандидаты – Дүйсенғазы Серікзат Мақсұтұлы, ағылшын тілінің аудармашысы, оқытушысы, журналист, абайтанушы - Ернат Мелсұлы, ақын, филология ғылымының докторы, профессор – Аймұхамбет Жанат Әскербекқызы жәнеде басқа жазушылар мен ақындар, зиялы қауым өкілдері қатысады.

10 тамыздан бастап 5 қыркүйекке дейін Нұр-Сұлтан қаласының мектептерінде оқитын балалардан, олардың ата-аналарынан өтініш қабылданады. Қатысушылар саны шектеулі, 175 бала. Сондықтан оқуға, дамуға талабы зор балалар әр бағыт бойынша жетекшілердің іріктеуі бойынша қабылданады. Курс 8 қыркүйекте басталады.

Анықтама телефондары: Марат Мұхамеджанұлы, «Жас қаламгер» оқу мектебі жобасының үйлестірушісі, байланыс телефоны: 8 (701)-830- 65-30.


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 13 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар