Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Фаина Раневская. Жалғыздық – үйіңде телефон тұрып, сағаттың шырылдауы

17.10.2019 803

Фаина Раневская. Жалғыздық – үйіңде телефон тұрып, сағаттың шырылдауы 18+

Пластикалық операция жасатқаннан не пайда?! Сыртын жаңартасың, ал кәріз құбыры бәрі бір ескі!

***

Нақұрыстар мен сайқымазақтарды өміріңізден аластап отырыңыз. Цирк гастрольге шығып тұруы керек.

***

Әйел еркектен кейін өледі, өйткені үнемі кешігіп жүреді.

***

Оптимизм дегенің – ақпараттың жетіспеуі.

***

Миллион табынушың бар, бірақ аптекаға барып келетін ешкім жоқ.

***

Бет-пошымын айтып шағымданатындар көп те, ақылын алымсынбайтындар – жоқ.

***

Егер біреу саған қастық жасаса – сен оған кәмпит бер. Ол саған қастық – сен оған кәмпит. Сөйтіп ол қаскөй неме қант диабетіне шалдыққанша жалғастыра бер.

***

Ұмытшақтықты емдей алмайсың, бірақ оны ұмытып кетуге болады.

***

Диета, сараң еркек, салыңқы көңіл-күйге ысырап етердей өмір онша ұзақ та емес.

***

Нашар фильмге түсу – мәңгіліктің бетіне түкіргенмен бірдей!

***

Денсаулық деген – күнде бір жеріңіздің сырқырауы.

***

Қызыл кітапқа кірген жануарлар аз да, дәмді, пайдалы тағам туралы Кітапқа енгендері – өте көп.

***

Биязы, тәрбиелі оңбағаннан, «боқауыз» жақсы адам болған артық.

***

Тіпті жалт-жұлт еткен тауыстың құйрығынан да кәдімгі тауықтың көтенін көруге болады.

***

Жалғыздық – үйіңде телефон тұрып, сағаттың шырылдауы.

***

Ең қиын шаруаны таңғы асқа дейін тындырамын. Төсектен тұрамын.

***

Семіз әйел болмайды, тар киім болады.

***

Раневскаядан: «Сіздіңше қайсысы адал: сары шашты әйел ме, қара шаштылар ма?» - деп сұрапты. Сонда ол: «Ақ шаштылары», - деген екен.

Аударған: Нұрлан Қабдайұлы


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


Көп оқылғандар