Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҢАЛЫҚТАР
Қазақ тілін кешенді оқытатын оқу құралы жарыққа шы...

27.12.2019 3477

Қазақ тілін кешенді оқытатын оқу құралы жарыққа шықты 12+

Қазақ тілін кешенді оқытатын оқу құралы жарыққа шықты   - adebiportal.kz

Шетелде 5 миллионнан астам қандастар тұрады. Олардың түгелге жуығы жақынғы жылдарға дейін ана тілі мен салт-дәстүрін ұмытпай келгенімен, қазіргі заманғы жаһандық ауқымға байланысты жастардың ана тілін ұмыту қаупі туындап отыр. Сол себепті шеттегі қандастардың ана тілін ұмытпауы үшін мүмкіндік жасау бүгінгі күнде кезек күттірмейтін маңызды мәселе болып табылады. Осы орайда «Отандастар Қоры» коммерциялық емес акционерлік қоғамының арнайы тапсырысымен, «Зерделі» ақыл-ой дамыту орталығы жаңа жобаны іске асырып, қазақ тілін кешенді оқытатын оқу құралын жарыққа шығарды.

Бұл жобада, тек оқу құралын шығарып қоймай, әлемдік жаңа технологиялар арқылы қазақ тілін қашықтан жүйелі түрде оқытуға үлкен мүмкіндік жасалған.

Оқу құралын жасау барысында әлемдік тіл үйренудің озық тәжірибелері қолданылған. Оқу құралы екі бөлімнен тұрады. Ағылшын, орыс, парсы, қытай тілді үйренушілерге арналып, төрт тілде жасалған. Сонымен қатар ағылшын және парсы нұсқасы латын әліпбиінде, орыс және қытай тіліндегі нұсқасы кирил әліпбиінде жарық көрген.

Екінші: оқу әдістемелік құрал негізінде «Зерделі» ақыл-ой дамыту орталығының арнайы студиясында видео сабақтар түсіріліп, YOUTUBE каналға салынды, әрі сол сабақтар бойынша жаңа технологияларды пайдалана отырып, тікелей эфирде (онлайн немесе қашықтан оқыту) дистанциялық сабақтар жүргізілу үстінде. Қазіргі таңда жиырмадан астам елде, 300-ге жуық оқушы арнайы жабдықталған аудиторияларда ана тілін үйренуде.

adebiportal.kz


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар