Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Қазақстан Жазушылар одағы Үндеу қабылдады

21.12.2018 1069

Қазақстан Жазушылар одағы Үндеу қабылдады

«ҰЛЫ ДАЛАНЫҢ ЖЕТІ ҚЫРЫ ЖӘНЕ ҚАЗАҚ ӘДЕБИЕТІ» АТТЫ

ҚАЗАҚСТАН ЖАЗУШЫЛАР ОДАҒЫНЫҢ І ПЛЕНУМЫ

ҚАБЫЛДАҒАН ҮНДЕУІ

Қазақстан Жазушылар Одағының «Ұлы даланың жеті қыры және Қазақ әдебиеті» атты І Пленумына қатысушы қаламгерлер ҚР Президенті - Елбасы Нұрсұлтан Әбішұлы Назарбаевтың «Ұлы даланың жеті қыры» тарихи бағдарламалық мақаласында айтқан барлық келелі ойлары мен ұсыныстарын қолдайтынын жеткізеді.

«Ұлы даланың жеті қыры» мақаласы «Болашаққа бағдар: рухани жаңғыру» бағдарламасының заңды жалғасы деп білеміз. Әлемдік кеңістікке ұлттық кодымыз арқылы шығып, барша әлем халықтарына қазақтың жанын, Тәуелсіздігіміздің мызғымас рухын, қазыналы құндылықтарымызды дәріптеуді мұрат етеді.

Қазақ қаламгерлері өз шығармаларында қашанда тамыры мыңжылдықтарға кететін төл тарихымызды зерттеп-зерделеуге, ұлттық құндылықтарымыздың насихатталуында осыған дейін де өлшеусіз еңбек сіңіргені ақиқат. Ал, мына мақалада айтылған арналы жобалар қазақ әдебиетіндегі жаңа тарихи шығармалардың жазылуына үлкен өріс ашпақ.

Демек «Ұлы даланың жеті қыры» мақаласында айтылған биік мақсаттарды іске асыруда ақын-жазушылардың рөлі орасан болмақ.

Осы орайда, Президент Әкімшілігіне, ҚР Мәдениет және спорт министрлігіне, сондай-ақ, облыс әкімдеріне «Ұлы даланың жеті қыры» бағдарламасы аясында байтақ Қазақстанның барлық аймақтарын қамтитын «Тарихи-әдеби өлкетану» жобасын ұсынамыз. Аталған жоба шежірелі тарихымызды қайта сараптап, келер ұрпаққа мұра болар тарихи тақырыптарға арналған жаңа шығармалардың жазылуына мұрындық болады.

Елбасы Нұрсұлтан Әбішұлы Назарбаевтың «Ұлы даланың жеті қыры» бағдарламасын Қазақстан Жазушылар одағының барлық мүшелері және барша қаламгерлер қауымы қолдайды әрі мәдени өміріміздегі үлкен серпіліс болатынына сенім білдіреді.


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


Теги: қазақстан жазушылар одағы
(0)
Пікір қалдыру:
Captcha

Көп оқылғандар