Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҢАЛЫҚТАР
МҮШӘЙРА! МҮШӘЙРА! МҮШӘЙРА!...

03.09.2019 6626

МҮШӘЙРА! МҮШӘЙРА! МҮШӘЙРА! 18+

МҮШӘЙРА! МҮШӘЙРА! МҮШӘЙРА! - adebiportal.kz

Маңғыстау облысында «Сисем – елдің есігі, ердің бесігі» атты Сисем Атаға және сол қауымдағы ата-баба рухына арналған Ас аясында республикалық жазба ақындар мүшәйрасы өткізіледі.

Мүшәйраның талап-шарттары:

- Мүшәйраға еліміздің барлық өңірлерінен 18-35 жас аралығындағы ақындар қатыса алады;

- Мүшәйраға ұсынылған тақырыпқа сай, бұрын басқа жерде жарияланбаған және байқауға жіберілмеген авторлық шығармалар қабылданады;

- Авторлардың жолдаған құжаттары кері қайтарылмайды. Ұйымдастыру алқасы мүшәйраға ұсынылған өлеңдерді БАҚ-ы беттерінде және түрлі жинақтарда жариялауға құқылы;

- Ұсынылған шығармаларды бағалау кезінде олардың поэтикалық қуатына, көркемдігіне, жазылу техникасының мінсіздігіне ғана баса назар аударылады;

- Қатысушылар 2 шығарма ұсына алады. Оның біреуі – Сисем Ата, елдік, ерлік тақырыптарында, екіншісі – еркін тақырыпта болуы шарт.

Мүшәйраға әдебиет саласындағы танымал қаламгерлерден құралған Қазылар алқасы төрелік етеді. Қазылар алқасының шешімі талқыланбайды.

Шығармалар электронды нұсқада (Microsoft Word файлды форматы түрінде, Times New Roman қарпімен) қабылданады.

Жеңімпаздар мен жүлдегерлер қомақты қаржылай сыйлықтармен марапатталады.

Жол шығындары – мүшәйраға қатысушылардың өз тарапынан.

Жүлдегерлер мен жеңімпаздар алдын ала іріктелмейді, сахнада анықталады.

Мүшәйра және марапаттау рәсімі 2019 жылғы 13 қыркүйек күні Сисем Ата қауымында өтеді.

Қатысу үшін өтінім беру талабы:

Мүшәйраға қатысушылар 2019 жылдың 10 қыркүйегіне ruhaniqazyna@gmail.com электронды поштасына жолдай алады.


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар