Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
100 ЕСІМ
Жастарға role model – үлгі алатын адамдар керек...

19.10.2018 5305

Жастарға role model – үлгі алатын адамдар керек

 Жастарға role model – үлгі алатын адамдар керек - adebiportal.kz

Үміткерлер ІІ кезеңіне ниет етіп, El.kz порталына өтінім беріп жатқан «100 жаңа есім» жобасы жайлы танымал блогер Өркен Кенжебектің пікірін ұсынамыз.

Ел болған соң, ер тумай қоймайды ғой. Тек оның сүрген дәуреніне сай сәні де кетіп отыра ма деймін. Алпамыс десеңіз, аңыз дейді қазір. Алтын жұлдыздары жарқыраған Кеңес батырларын келтірсең, шабыттандырмайды дейді енді. Мысалы, кезінде авар деген ұлттың атынан интеллигент – ақын Расул Ғамзатов сөйлеген еді, сол ұлттың бар потенциалын паш етіп. Қазір авар деген халықты қара күш иесі – спортшы хабиб Нұрмағамбетов танытып жүр дегендей, қоғамның талабы басқа, адамдардың санаты да басқа. Содан жаңа заманның, бейбіт күннің қаһармандарын табайық деп бізде «100 есім» деген жобаны тапқан, былтыр. 100 есім де пайда бола кетті, білесіз. Елдің көзіне шыққан сүйелдей болған әнші-бишілер емес, шенді-шенеуніктер емес, расымен, жұрт таңдаған, ел мақтаған кәсібилер мен дарындылар іріктелді.

Қарасаңыз, Кеңестер Одағында еңбек адамдарын барынша жарнамалады. «Мәдениет және тұрмыс» журналы үйімізге келгенде, алғашқы бетінде комбайнның фонында жарқырап Кәмшат Дөнентаева әпкеміз тұратын. Қазір де ауыл-ауылды көтеріп жатқан еңбек адамдары баршылық. Мысалы, Павлодар облысында қаңырап қалған ауылды ұстап қалып, 3 үйден 150 үйге дейін өсірген Амантай Мусин деген азаматтың өзі қандай керемет мысал! Айтайын дегенім, биыл «Қазақстанның 100 жаңа есімінің» жалғасы, соған еңбек адамдарын жақсылап таңдап берсек, жақсы болар еді. Себебі, қазіргі біздің жастарға role model – үлгі алатын адамдар керек.

Өркен Кенжебек


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар