Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҢАЛЫҚТАР
Жолтай Жұмат Әлмашұлы: «...Эх, НОБЕЛЬ, НОБЕЛЬ!»....

12.10.2016 2371

Жолтай Жұмат Әлмашұлы: «...Эх, НОБЕЛЬ, НОБЕЛЬ!».

Жолтай Жұмат Әлмашұлы: «...Эх, НОБЕЛЬ, НОБЕЛЬ!». - adebiportal.kz
nobelpris.jpg

Сөзбен енді сыйлық жайында таласып жатырмыз. Ол өз дегенін шегелеп айтады, ал мен өзімдікін дұрыс деп дәлелдеуге тырысам. Қысқасы, біздің таласымыз – әлемді елеңдетіп-алаңдатып отырған Нобель сыйлығы төңірегінде! Биылғы жылы осы сыйлыққа үміткерлер саны 350-ден асып кетіпті. Тізімге көз жүгіртсеңіз – қай елдің қаламгері жоқ дейсіз! Ең кішкентай, тіпті елеусіздеу елдердің де ақын-жазушыларының есімдері мен мұндалап шақырып тұр. Үміткер! Үмітті! Ең таң қаларлығы – биылғы қаламгерлердің басым бөлігі шағын жанрдың шеберлері, новеллистер, әңгімешілер! Осындайда ойға қаласың! Озып шықса да, шықпаса да неге сол көп қаламгерлер сапында бірде-бір қазақ суреткері жоқ? Ойбай-ау, басқасын былай қойғанда, шағын жанрда қазақ жазушылары қай елмен салыстырсаң да алдына жан салмайды деп жыртыла мақтанушы ек қой! Роман, повесть секілді көлемді дүниелерді жеріне жеткізе аудара алмаспыз, ең болмағанда қысқа әңгімелерге барымызды салсақ етті! Сондай мәртебелі тізім ішінде ең болмағанда қара толтырып, бәйгеге қатысуға ылайық деп, үмітті деп, жуан ортасынан ойып орын алып тұруға да қауқарсыз болғанымыз ба? Қазақ «Жығылсаң нардан жығыл!» демеуші ме еді! Әй, осы біз де... Кімге өкпелейміз? Кімді кінәлаймыз? Кімнің жағасына жармасамыз? Сен маған соны айтшы, Сөз мырза? («Семсер сөзбен сырласу»)

Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар