Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ЖАҢАЛЫҚТАР
Әдебиет сыншысы Бақыт Сарбалаев 70 жаста...

16.05.2017 4900

Әдебиет сыншысы Бақыт Сарбалаев 70 жаста

Әдебиет сыншысы Бақыт Сарбалаев 70 жаста - adebiportal.kz

Биыл жазушы, әдебиет сыншысы, Қазақстан Журналистер одағы, Халықаралық «Алаш» әдеби сыйлықтарының лауреаты Бақыт Сарбалаев мерейлі 70 жасқа келіп отыр. Қызылорда облысының әкімі Қырымбек Көшербаев мерейтой иесімен кездесіп, құттықтады.


-2007 жылдан Бақыт Тұрсынұлы тікелей өзінің бастамасымен «Сын» әдеби-сын журналының негізін қалап, осы басылымға басшылық етіп келеді. Қаламгердің «Қызыл алма» әдеби-сын мақалаларының жинағы, «Ел мен Елбасы» атты кітаптары шықты. «Ақиқат алдында», «Өткірдің жүзі», «Жиырма бес», «Бес мүшел», «Шандоз сөздің шаһы» секілді әдеби-сын еңбектері оқырман қауым тарапынан жоғары дәрежеде бағаланды. Осы орайда бір тоқталатын жәйт, Қызылорда облысы әкімдігінің қолдауымен шыққан көптомдық «Сырдария кітапханасы» сериясымен қаламгердің «Көккесене» әдеби-сын кітабы жарыққа шықты. Бақыт Тұрсынұлының әдебиет әлеміндегі өлшеусіз еңбегін қасиетті Қаратау мен киелі Сыр топырағының жұртшылығы әрқашан мақтан тұтады,-деген аймақ басшысы мерейтой иесіне Қызылорда облысының Құрмет Грамотасын табыс етіп, иығына шапан жапты. Сондай-ақ, мерейтой иесін филология ғылымдарының докторы, профессор Құлбек Ергөбек құттықтады. Өз кезегінде Б.Сарбалаев ыстық ықыласын білдірген жерлестеріне ризашылығын жеткізді.


Әдебиет сыншысы Қызылордада екі күн болады. Ә.Тәжібаев атындағы облыстық әмбебап кітапханада «Талмас талант иесі» атты шығармашылық кеші өтті, ал 16 мамырда қаламгердің Қорқыт ата атындағы Қызылорда мемлекеттік университетінің және «Болашақ» университетінің студенттерімен кездесуі жоспарланған.

http://syrboyi.kz


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар