ҒАШЫҚ ДЕРТІ

Топырақ сипат – тәнім-дүр,

Жапырақ сипат – жаным-дүр.

Талап қылдым жамалыңды озалдан,

Жаппар Ием, ғашықтықтан сағындыр!

Тауқыметін тартсам дағы сынақтың,

Жүрегімді реушен нұрға шылаттым.

Тауап қылдым төккен сайын жасымды,

Жаппар Ием, ғашықтықтан жылатқын!

Тақтақтардың жолын қуып сыр бақтым,

Тегін берген сөзді сегіз қырлаттым.

Тағат қылдым қалам барда қолымда,

Жаппар Ием, ғашықтықтан жырлатқын!

Топырақ сипат – тәнім-дүр,

Жапырақ сипат – жаным-дүр.

Талақ қылдым көзді арбаған дүниені,

Жаппар Ием, ғашықтықтан табындыр!

2012